“OnePlus 2” smartfonu nümayiş etdirilib

“OnePlus” şirkəti “OnePlus 2” smartfonunu nümayiş etdirib. Qurğu avqustun 11-də satışa çıxarılacaq.

16 QB daxili yaddaş və 3 QB əməli yaddaşa malik yeni modelin qiyməti 330 dollardır. 64 QB daxili yaddaş və 4 QB əməli yaddaşa malik versiya isə 390 dollara satılacaq. Aparat “1080p” təsvir ölçüsünə malik 5,5 düymlük ekran, “Snapdragon 810” çipi, optik sabitləşmə funksiyasına malik 13 meqapiksellik kamera və 5 meqapiksellik ön fotomodulla təchiz edilib.

“USB-C” və barmaq izi skanerinin mövcudluğu “OnePlus 2” smartfonunun əsas özəlliyidir. Smartfon “Android 5.1” mobil əməliyyat sistemi ilə işləyir.