Ded Xasanın köməkçisi Rusiyaya qayıtdı

Rusiya mafiasının əsas liderlərindən olan və bir müddət öncə öldürülən Aslan Usoyanın (Ded Xasan) köməkçisi kriminal aləmdə Laşa Rustavski kimi tanınan Laşa Şuşanaşvili Yunanıstandan Moskvaya qayıdıb.

Teleqraf.com xarici mediaya istinadən xəbər verir ki, Laşanın bura gizli yolla gəldiyi və yaxın vaxtlarda digər kriminal avtoritetlərlə görüşəcəyi gözlənilir.

"Golden Palas" restoranında baş tutacaq görüşdə Rusiyadakı kriminal aləmin lideri "Şakro Molodoy" ləqəbli Zaxari Kalaşov da iştirak edəcək.

Qeyd edək ki, Laşa Şuşanaşvili kriminal aləmdə ən qanlı mübarizəyə səbəb olan və Ded Xasanın öldürülməsi ilə nəticələnən cinayətin əsas iştirakçısıdır.

Samir