23 Yanvar 2016 11:21
687
12 Punto 14 Punto 16 Punto 18 Punto

Amerika alimləri sınıqların müalicəsində həkimlərə kömək edəcək nadir nanohissəciklər yaradıblar.

Teleqraf.com xarici mətbuata istinadən xəbər verir ki, bu nanohissəciklər sümüklərdə bərpa prosesini xeyli sürətləndirir. Bu yenilik bioloqlara çox perspektivli görünür.

Alimlərin ixtira etdiyi nanohissəciklər orqanizmdə hüceyrələrin bölünməsini stimullaşdıran molekulları təyinat yerinə çatdıra bilir. Bu isə o deməkdir ki, zədələr əvvəlkindən daha tez aradan qalxa bilər. Bundan başqa, bu nanohissəciklərdən başqa məqsədlər üçün də istifadə etmək nəzərdə tutulur. Məsələn, sümüklərdə aparılan cərrahiyyə əməliyyatında və ya kariyesin müalicəsində onlardan istifadə etmək mümkündür. Belə olan halda diş plombları tezliklə bəşəriyyətə gərəksiz olacaq, çünki diş özü-özünü bərpa edəcək.

Bu üsullar osteoporozdan əziyyət çəkən laboratoriya siçanları üzərində artıq istifadə olunub. Araşdırmanın nəticələri ümidvericidir. Alimlər öz ixtiralarını daha iri heyvanlarda, habelə insanlar üzərində sınaqdan keçirmək niyyətindədirlər.


Müəllif: