Prezidentlərin görüşü nəzərdə tutulmur – İrəvan

Ermənistan və Azərbaycan prezidentlərinin yaxın vaxtda görüşü nəzərdə tutulmayıb.

Teleqraf.com erməni mediasına istinadla xəbər verir ki, bu bəyanatla Ermənistanın Xarici İşlər naziri Edvard Nalbandyan çıxış edib.

Onun sözlərinə görə, aprelin 28-də Moskvada baş tutan Ermənistan, Rusiya və Azərbaycan xarici işlər nazirlərinin üçtərəfli görüşü bu mövzuya həsr olunmamışdı:

“Nazirlərin prezidentlərin görüşünün təşkili məsələlərini müzakirə etdiyinə dair yayılan informasiya yanlış idi. Prezidentlərin görüşləri hələ nəzərdə tutulmur”.

Nalbandyan dəqiq tarix bəlli olmasa da, yaxın zamanlarda ATƏT-in Minsk Qrupunun həmsədrlərinin regiona səfər edəcəyini deyib.

Nazirin fikrincə, bu səfərdən sonra Ermənistan və Azərbaycan xarici işlər nazirlərinin görüşünə ehtiyac olub-olmadığına dair məsələyə aydınlıq gətiriləcək.

Nərgiz