Lavrova casus ittihamı

Rusiyanın xarici işlər naziri Sergey Lavrov onun mayın 10-da Vaşinqtonda ABŞ prezidenti Donald Trampla görüşü zamanı çəkilmiş foto ətrafında yaranmış qalmaqala münasibət bildirib. Teleqraf.com xəbər verir ki, nazir foto ətrafında səs-küy qaldırılmasının onun üçün anlaşılmaz olduğunu vurğulayıb.

“Amerika mətbuatının bu məsələ ətrafında nə üçün qalmaqal yaratdığını başa düşmürəm”, deyə Rusiyanın baş diplomatı qeyd edib. S.Lavrov əlavə edib ki, Ağ Ev heç bir qalmaqalın olmadığını açıqlayıb: “Onların saytında hər şeyin razılaşdırıldığı barədə məlumat yerləşdirilib. Necə ki, bunu digər ölkələrin nazirləri ilə görüşlər zamanı edirlər”.

Qeyd edək ki, bir sıra ABŞ KİV-ləri, o cümlədən “Washington Post” qəzeti amerikan xüsusi xidmət orqanlarının sabiq əməkdaşlarının S.Lavrovla D.Trampın görüşü zamanı rusiyalı fotoqrafın Ağ Evdə peyda olmasından narahatlıqlarını çatdırıblar. KİV-lərin həmsöhbətlərinin fikrincə, fotokameralar vasitəsilə Oval kabinetə gizli şəkildə dinləmə aparatları keçirilmə təhlükəsi olub.

Səxavət