Qarabağ Rusiya və ABŞ-ı yaxınlaşdırdı... – Metyu Brayza

Dağlıq Qarabağ münaqişəsi və terrorçuluğa qarşı mübarizə ABŞ və Rusiya arasında mütləq əməkdaşlıq nümunəsinə çevrilib.

Teleqraf.com xəbər verir ki, bu sözləri “Ria Novosti”yə müsahibə verən ABŞ Dövlət katibinin Avropa və Avrasiya məsələləri üzrə müşavirinin sabiq müavini Metyu Brayza deyib:

“Bizim Gürcüstandakı münaqişəyə baxış bucağımız fərqlidir. Amma biz Dağlıq Qarabağ münaqişəsinin həllində və terrorçuluqla mübarizədə əməkdaşlıq edirik”.

Brayzanin fikrincə, 8-9 il əvvəllə müqayisədə hazırda əhəmiyyətli dəyişikliklər baş verir:

“Bir tərəfdən ABŞ-da Trampın Rusiya ilə əlaqələri araşdırılır. Digər tərəfdən isə Moskva ilə əməkdaşlıqdan danışılır. Düşünürəm ki, bu fikir ayrılığı keçib gedəcək”.

Amerikalı diplomat Rusiyaya sanksiyalar məsələsinə də diqqət yetirib:

“Bəziləri düşünür ki, Ukrayna məsələsindən sonra Rusiya Baltik ölkələrinə qarşı özünü daha aqressiv aparacaq. Bu məsələdə Rusiyaya qarşı sanksiyaların tətbiqi mümkündür”.