Türkmən başçısı iclas keçirdi: "Azərbaycanla münasibətləri..."

Türkmənistan Azərbaycanla xoş qonşuluq münasibətlərini daha da möhkəmləndirmək niyyətindədir.

Teleqraf.com xəbər verir ki, bunu Türkmənistan prezidenti Qurbanqulu Berdiməhəmmədov Nazirlər Kabinetinin geniş tərkibli iclasında çıxışı zamanı deyib.

Türkmənistanın gələcəkdə də Azərbaycanla yaxşı qonşuluq münasibətlərini möhkəmləndirəcəyini vurğulayan dövlət başçısı, Prezident İlham Əliyevin Türkmənistana son rəsmi səfərinin bu istiqamətdə mühüm addım olduğunu bildirib.

Onun sözlərinə görə, Aşqabadda keçirilən Türkmənistan-Azərbaycan sammitində aparılan danışıqlar zamanı müxtəlif sahələrdə əməkdaşlıq istiqamətləri və imkanları müəyyənləşdirilib.