“Məsələnin nə yerdə olduğunu bilin…” – Müsavatdan Kərimliyə ittiham

“Milli Şura Əli Kərimlinin timsalında Müsavat Partiyasının birgə mitinqlər keçirmək təklifindən imtina edib”.

Teleqraf.com xəbər verir ki, bunu Müsavatın Məclis üzvü Mustafa Hacıbəyli deyib.

Onun sözlərinə görə, Müsavat Divanı aprelin 7-də mitinq keçirmək barədə qərar verib:

“İndi oxudum ki, Milli Şuranın bir neçə saat əvvəl aprelin 6-na mitinq təyin etdiyi barədə xəbər yayılıb.

Bu gün açıqlanan qərarın siyasi etikaya və müxalifətin maraqlarına nə dərəcədə uyğun olub-olmadığını kənara qoyuram, “hüquqlarıdır” deyirəm.

Bunu sadəcə ona görə dedim ki, “niyə bir yerdə keçirmirsiz” sualını verənlər məsələnin nə yerdə olduğunu bilsinlər”.