Paşinyanın dediklərini təəccüblə izlədik - Fuad Oktay

Ermənistanın baş naziri Nikol Paşinyanın bir müddət əvvəl Dağlıq Qarabağın Ermənistana aid olması haqqında dediklərini təəccüblə izlədik.

Bu sözləri Bakıda səfərdə olan Türkiyənin vitse-prezidenti Fuat Oktay deyib.

"Düşünürəm ki, bu tip populist fikirlər danışıqlara mənfi təsir edir. Dünya ictimaiyyəti də bu məsələyə səssiz qalmamalıdır. Biz Azərbaycanın ərazi bütövlüyünü dəstəkləyirik. 1 milyondan artıq məcburi köçkünün tezliklə torpaqlarına qayıtmasını arzu edirik", - deyə F.Oktay vurğulayıb.