"Azərbaycan hökuməti və Avropa İttifaqı (Aİ) arasında əməkdaşlıq sazişi üzrə işlər aparılmaqdadır".
Teleqraf.com xəbər verir ki, bunu Baş Nazirin müavini Əli Əhmədov Aİ-nın maliyyələşdirdiyi “Avropa standartlarına çatmaq üçün Dövlət Statistika Komitəsinə dəstək” layihəsi ilə bağlı tədbirdə deyib.
O qeyd edib ki, həmin işlərin yaxın zamanda yekunlaşacağına ümid edir: "Azərbaycan Aİ ilə əmıkdaşlıqda maraqlıdır və daim bu prinsiplərə sadiq qalıb. Ümid edirəm ki, tezliklə bu işlər yekunlaşacaq və saziş imzalanacaq".
Hökumət rəsmisi həmçinin sözügedən layihənin uğurla icra edildiyini vurğulayıb.