27 Yanvar 12:55
200

10 saylı Binəqədi üçüncü Seçki Dairəsi üzrə deputatlığa bitərəf namizəd Madər Musayevin vəkilləri və Seçki Qərərgahının könüllüləri yanvarın 17-dən 26-dək seçicilərlə 27 məhəllə görüşü keçiriblər.

Seçki Qərargahından Teleqraf.com-a verilən məlumata görə, təbliğat-təşviqat kampaniyası çərçivəsində Biləcəri qəsəbəsi Y.Hüseynov küçəsi, 50/35-də 33 saylı bina, 1, 2, 3-cü döngələr, Xəqani 14, A.Zeynallı 1A, M.Mikayılov 11 və 11A, Teymur Yaqubov 22, 24, 26-cı binaların qarşısı, Ə.Qasımov - Natavan, R.İsmayılov 1A, 11 və 12-ci binaların həyəti, İ.Kərimov, Q.Süleymanov küçələrində təxminən 1500 seçici ilə görüşüblər.

Madər Musayevin vəkilləri həmçinin Binəqədi qəsəbəsi, Ə.Qarayev, İsfahani küçələrində, 1-ci mədən 43, 46-ci korpuslarda, Ramazanov 13-59B, 1-12A, 1-ci mədən, 47-ci, 2-ci mədən, 43-cü korpuslarda, Gülüstan küçəsi, döngə 13, 14, 15-də 1300 nəfərə yaxın seçici ilə təmasda olub, namizədin platformasını elan edib, təbliğat materiallarını paylayıblar.

Seçicilər onların müraciətləri əsasında Madər Musayevin təşəbbüsü ilə dövlətin müvafiq icra strukturlarının həyata keçirdiyi sosial-iqtisadi layihələrin müəllifi Prezident İlham Əliyevə təşəkkürlərini bildiriblər.

Qeyd edək ki, 10 saylı Binəqədi üçüncü Seçki Dairəsi üzrə deputatlığa namizəd Madər Musayev və vəkillərinin seçicilərlə görüşləri davam edir. Fevralın 7-dək daha 20 məhəllə görüşünün keçirilməsi nəzərdə tutulub.


Müəllif: Teleqraf.com