27 Yanvar 2020 15:07
1 128
12 Punto 14 Punto 16 Punto 18 Punto

Prezident İlham Əliyevin Davos Dünya İqtisadi Forumu çərçivəsində keçirdiyi görüşlər, apardığı müzakirələr Azərbaycan Televiziyasının Həftə" analitik-informasiya proqramında Prezidentin iqtisadi siyasət və sənaye məsələləri üzrə köməkçisi Natiq Əmirovun iştirakı ilə şərh olunub.

Dövlət başçısının Forum çərçivəsində “Strateji baxış: Avrasiya” mövzusunda keçirilən panel iclasında verdiyi açıqlamalar nəzərdən keçirilib, təhlil edilib.

İclasın moderatorunun "Azərbaycan Respublikasının Prezidenti İlham Əliyev. Dediyimiz kimi, Avrasiyada indi böyük qüvvələr yerləşib, bir tərəfdən Rusiya, o biri tərəfdən Çin. Azərbaycanın Prezidenti kimi Siz birinci növbədə kimə zəng edərsiniz – Moskvaya, yoxsa Pekinə? sualına dövlətimizin başçısının "Bakıya zəng edərəm" cavabının mühüm siyasi mesaj olduğu qeyd edilib: "Cənab Prezidentin "Mən Bakıya zəng edərəm" ifadəsi, əslində, Azərbaycanın müstəqil siyasətinin vurğulanması idi".


Müəllif: Teleqraf.com