“Aşağıda əyləşən hər 5 deputatın çıxışından sonra...” - Etibar Əliyev

Cənab sədr, bir təklifim var. Xahiş edirəm cari məsələlərin müzakirəsi zamanı aşağıda əyləşən hər 5 nəfərin çıxışından sonra bizə növbədənkənar səs verəsiniz.

Teleqraf.com xəbər verir ki, bunu parlamentdə çıxışı zamanı deputat Etibar Əliyev deyib.

Spiker Sahibə Qafarova isə bildirib ki, bununla bağlı problem yoxdur: “Cari məsələlərdə çıxış etmək üçün yazılmaq lazımdır. Bəyəm bununla bağlı problem var?”

Sonda spiker qeyd edib ki, məsələni nəzərə alacaq.

Qeyd edək ki, COVID-19 təhlükəsi səbəbindən parlamentdə deputatlar bir-birindən 2 metr məsafə saxlamaqla masalarda əyləşir. Bu səbəbdən bir qrup deputat xarici qonaqlar və müşahidəçilər üçün nəzərdə tutulan masalarda əyləşiblər.