Bəxtiyar Hacıyev Vilyam Hacıyevin saxlanması haqda: "Qohumumdur, ilk dəfə..."

Hazırda saxlanıldığı deyilən İmişlinin icra başçısı Vilyam Hacıyev qohumumdur. Onun üzünü ilk dəfə 2012-ci ildə, həbsdən azadlığa buraxılmağım ərəfəsində dövlət qurumlarından birində qarşılaşanda görmüşəm. O vaxta qədər isə 10 ilə yaxın idi ki, prezident sərəncamı ilə təyin edilmiş, 2 rayonda başçı olmuş, 3-cü rayona təyin edilmişdi.

Teleqraf.com xəbər verir ki, bu sözləri siyasi fəal Bəxtiyar Hacıyev bu gün Dövlət Təhlükəsizliyi Xidməti tərəfindən İmişli Rayon İcra Hakimiyyətində keçirilən xüsusi əməliyyat zamanı saxlanılan rayon icra başçısı Vilyam Hacıyevin həbsinə münasibət bildirərkən deyib.

Onun fikrincə, son zamanlar icra başçılarının, o cümlədən Vilyam Hacıyevin həbsi özündə daha çox kadr siyasətini ehtiva edir.