6 Avqust 11:24

“Azərbaycan Respublikasının 2020-ci il dövlət büdcəsi haqqında” qanun layihəsinə birinci oxunuşda kifayət qədər aydın izah verildi. Qeyd edək ki, büdcə gəlirlərinin 10 milyon, xərclərin isə 5 milyon manat azalması nəzərdə tutulur”.

Teleqraf.com xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib.

Komitə sədri bildirib ki, azalmalar heç bir sosial ödənişlərə şamil olunmayıb:

“Azalmanın əsas səbəbi isə vergi güzəştləri ilə əlaqələr vergi daxilolmalarının həcminin azalmasıdır. Birinci oxunuşda müzakirə zamanı əsas qabardılan məsələ təhsil haqlarının yarıbayarı azaldılması idi. Tələbələrin təhsil haqqının ödənilməsi 2019-2020-ci il təhsil ili üçün dövlət büdcəsi tərəfindən qarşılanacaq. Bizdə olan məlumata görə buna görə, 40 milyon manat vəsait ayrılıb”.

Müdafiə, təhlükəsizlik və sahibkarlıqla bağlı büdcədə nəzərdə tutulan vəsaitlərin artırılması ilə bağlı birinci oxunuşda səslənən təkliflərə münasibət bildirən Tahir Mirkişili qeyd edib ki, müdafiə xərcləri ilə bağlı isə Prezidentin bu sahəyə ayırdığı maliyyə kifayət qədər yetərlidir:

“Sahibkarlığa dəstək üçün isə əlavə 40 milyon manat nəzərdə tutulub. Bu, sahibkarlara dövlət dəstəyinin davam etdirilməsi deməkdir. İndiyə qədər 105 mindən çox sahibkara maliyyə dəstəyi verilib. İnvestisiya xərcləri isə azaldılmayıb, olduğu kimi saxlanılıb”.


Müəllif: Cavad