“Qiymətləri monopolist dövlət qurumları deyil...” - Həsənquliyev

“Qiymətlər qalxır, qazın qiyməti də qalxıb, pensiyaçıları düşünmək vacibdir”.

Teleqraf.com xəbər verir ki, bunu parlamentin bu gün keçirilən iclasında deputat Qüdrət Həsənquliyev deyib.

“Qiymətlər qalxır, qazın qiyməti də qalxıb. Çalışırıq bunu sanki camaatın xeyrinə olduğunu əsaslandıraq. Adını qoyuruq ki, bu, idarəetmənin təkmilləşdirilməsi deməkdir. Amma hansı məqsədlə edilir edilsin, qiymət qalxırsa, xüsusilə pensiyaçılar, aztəminatlı ailələr bundan əziyyət çəkir.

Buna görə də Milli Məclisin Sosial siyasət komitəsi bu məsələyə münasibət bildirməlidir. Mən də razıyam ki, bu tipli məsələlərə dair qiymətlər monopolist dövlət qurumları deyil, parlament tərəfindən müəyyənləşdirilməlidir”, - Həsənqulioyev vurğulayıb.