Belarusun MDB ilə bağlı yeni planı... - Putindən kritik açıqlama

“Rusiya tərəfi MDB-nin ildönümü ilə əlaqədar Belarusun təşəbbüsü ilə hazırlanmış, təşkilatın fəaliyyətinin əsas nəticələrini ümumiləşdirən və onun inkişafı haqqında uzunmüddətli vəzifələri müəyyən edən bəyanat layihəsini dəstəkləyir”.

Teleqraf.com xəbər verir ki, bunu Rusiya Prezidenti Vladimir Putin MDB Dövlət Başçıları Şurasının iclasında çıxışı zamanı deyib.

“Doğrudan da, otuz il ərzində MDB uzun yol qət edib, üzv dövlətlərin münasibətləri mehriban qonşuluq, tərəfdaşlıq, qarşılıqlı fayda və bir-birinin maraqlarını nəzərə almaq prinsipləri üzərində qurmağa çalışdığı nüfuzlu regional inteqrasiya birliyi olaraq qurulub. Əsas amil budur ki, uzun illər vahid dövlətdə yaşamaqla qazanılan iqtisadi, sosial, mədəni və humanitar əlaqələri qoruya və inkişaf etdirə bildik”, - Rusiya lideri bildirib.