“Çin Rusiyanı parçalamağa və bu ərazisinə sahib çıxmağa hazırlaşır” - Şərh

“Çin hazırda iki əsas variantı nəzərdən keçirir: həyat qabiliyyətli, lakin zəifləmiş Rusiyanı saxlamaq və Rusiyanın nüvə imkanlarını məhv etməklə bərabər onu parçalamaq”.

Teleqraf.com xəbər verir ki, bunu Razumkov Mərkəzinin hərbi proqramlar üzrə direktor Mikola Sunqurovski deyib.

Onun fikrincə, müharibənin indiki mərhələsində Rusiyanın diplomatik cəbhədə dünyanın aparıcı güclərinə öz şərtlərini sırımaqda acizdir: “Vladimir Putin indi demək olar ki, tam təcrid vəziyyətindədir və hətta Çin də ona kömək etməyəcək”.

“Çin hazırda iki əsas variantı nəzərdən keçirir. Birincisi, Rusiya həyat qabiliyyətini qaldırsa, çox zəifləmiş vəziyyətdə olacaq, lakin ABŞ-ı qıcıqlandırmağa kifayət edəcək. İkincisi, bütün bunlara tüpürmək və Rusiyanın parçalanmasına razılıq vermək, onun böyük hissəsini Uzaq Şərq, Sibir və Primorye şəklində əldə etməkdir”,- Sunqurovski bildirib.

Mütəxəssisin fikrincə, ikinci variant reallaşarsa, Rusiyanın bütün nüvə imkanları məhv olacaq və Çin nüvə silahlarını azaltmaq üçün ABŞ-la danışıqlara başlayacaq. Müəllifin proqnozuna görə, dövlətlərin özlərinin buna razı olub-olmayacağı hələ də mübahisəli sualdır.

“Mən ABŞ-ın buna hazır olduğunu düşünmürəm. Ancaq Çin yəqin ki, bunu istərdi. Yəni Rusiya Çindən o dəstəyi almayacaq. Üstəlik, son məlumatlara görə, Çin artıq orada texnoloji məhsulların tədarükünü 98% məhdudlaşdırıb. Yəni Rusiya üçün - hamısı budur, bu, dibdir”, - Razumkov Mərkəzinin nümayəndəsi sözünü yekunlaşdırıb.