Səfirimiz erməni nəşrinin İsveçrədəki təxribatlarına cavab verdi

Mən uğursuz adamlar haqqında heç nə demədim, ancaq dünyanı məhv edənlər haqqında istehza ilə danışdım.

Teleqraf.com xəbər verir ki, bu barədə öz "Twitter" səhifəsində Azərbaycanın İsveçrədəki səfiri Fuad İsgəndərov bildirib.

"armenews.com" "Twitter"də izləyicilərimin sayının artmasına imkan yaradıb. Uğursuz adamlar haqqında heç nə demədiyim (həmişə olduğu kimi), yalnız dünyanı məhv edənlər haqqında istehza ilə danışdığım tvitimdə diqqət yetirmələri məni təəccübləndirdi", - deyə səfir qeyd edib.

Fuad İsgəndərov bundan əvvəl "Twitter" hesabında yazıb ki, Fransa rəsmiləri Azərbaycana qarşı düzgün addımlar atdıqda, onların milli futbol komandası Qətərdə keçirilən dünya çempionatında uğur qazanır.

"Fransa futbol üzrə dünya çempionatında daha böyük nailiyyətlər əldə etmək istəyirsə, o zaman ölkənin Azərbaycana təyin olunmuş səfiri Şuşaya getməlidir. Bura Azərbaycan dostları üçün ən xoşbəxt yerdir", - deyə F.İskəndərov yazıb.

"armenews.com" bu tvitə belə cavab verib: "Fuad İsgəndərov qeyri-qanuni maddələrdən sui-istifadə edirmi? O, "Twitter"də Azərbaycan mediasının, o cümlədən Trend-in dərc etməyi faydalı hesab etdiyi paylaşımı yerləşdirib".