ABŞ-da Azərbaycan və Ermənistan xarici işlər nazirlərinin ikitərəfli görüşü keçirildi - Yeniləndi

ABŞ-da Azərbaycan və Ermənistan xarici işlər nazirlərinin ikitərəfli görüşü keçirilib.

Teleqraf.com xəbər verir ki, danışıqlar fasilələrlə 4-5 saat davam edib.

***

01.17

Azərbaycanın xarici işlər naziri Ceyhun Bayramovla Ermənistanın xarici işlər naziri Ararat Mirzoyan arasında ikitərəfli görüş 4 saatdan çoxdur ki, davam edir.

Teleqraf.com xəbər verir ki, Danışıqlar ABŞ-nin Virciniya ştatının Arlinqton şəhərində yerləşən Corc P.Şults adına Xarici Əlaqələr üzrə Milli Təlim Mərkəzində aparılır.

Qeyd edək ki, danışıqların əsas mövzusu sülh sazişinin müzakirəsidir.

***

2023.06.27 - 20.17

Azərbaycan və Ermənistan xarici işlər nazirləri - Ceyhun Bayramov və Ararat Mirzoyan arasında ikitərəfli görüş başlayıb.

Teleqraf.com xəbər verir ki, bu barədə Azərbaycan Xarici İşlər Nazirliyi (XİN) tviterdə məlumat yayıb.

Qeyd edək ki, görüş ABŞ-ın Arlinqton şəhərində keçirilir.

ABŞ dövlət katibi Entoni Blinken bu gün hər iki ölkənin xarici işlər nazirləri ilə ikitərəfli görüşlər keçirib, daha sonra danışıqlar üçtərəfli formatda davam etdirilib.