"“Etnik təmizləmə” ifadəsi qəbuledilməzdir, köç sərbəst baş verir" - Hikmət Hacıyev

“Bilirik ki, ermənilər və beynəlxalq KİV bütün əsgərləri həbs etmək niyyətimizin olduğunu deyir. Əgər silahları təhvil versələr, azaddırlar və Ermənistan Respublikasına getmək imkanları var”

Teleqraf.com xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev AFP-yə deyib.

Erməniəsilli sakinlərin bölgəni tərk etməsi ilə bağlı sualı cavablandıran Prezidentin köməkçisi qeyd edib ki, bu məsələdə “etnik təmizləmə” ifadəsi işlətmək qəbuledilməzdir.

"Köç sərbəst şəkildə baş verir"

O vurğulayıb ki, Azərbaycan Qarabağın 30 il əvvəlki kimi çiçəklənən, firavan və hər şeydən öncə dinc regiona çevrilməsini istəyir.