Bu təhqirdir, rəqəm ən azı 500 milyard dollar olmalıdır - Kəskin etiraz

Mətn layihəsində 2035-ci ilə qədər ildə 300 milyard ABŞ dolları məbləğində illik hədəf kimi təklif edilir və inkişaf etmiş ölkələrin inkişaf etməkdə olan ölkələrə maliyyə dəstəyinin verilməsində liderlik edəcəyi bildirilir. Ən az inkişaf etmiş ölkələrin nümayəndələri yeni kollektiv kəmiyyət hədəfi üzrə danışıqların nəticələri ilə açıq şəkildə razılaşmadıqlarını bildirirlər.

Teleqraf.com xəbər verir ki, bu barədə "ANewz" telekanalı məlumat yayıb.

Onlar təklif olunan mətni tənqid edərək bildiriblər: "Bizim prioritetlərimiz nəzərə alınmayıb. Hazırda biz bu mətn üzərində işləyə bilmərik".

Bənzər mövqeli inkişaf etməkdə olan ölkələr təşkilatından Boliviya nümayəndəsi kəskin çıxış edərək, rəqəmləri qeyri-adekvat və təhqiramiz adlandırıb:

"250 milyard dollar zarafat deyil, bu təhqirdir. Hətta 300 milyard dollar da qəbuledilməzdir. Bu rəqəm azı 500 milyard dollar olmalıdır", - telekanal nümayəndə heyətinin sözündən sitat gətirib.

Hindistan da Boliviyanın mövqeyinə qoşularaq, inkişaf etməkdə olan ölkələrin ehtiyaclarını ödəmək üçün yeni kollektiv kəmiyyət hədəfinin ildə azı 500 milyard dollar olması üzərində təkid edib.

Afrika bloku da bundan oxşar məyusluğunu ifadə edərək, təkliflərinin nəzərə alınmadığını vurğulayıb. Nümayəndələrdən biri əsas tələbləri təkrarlayaraq, layihədən açıq narazılığını bildirib.