Bakıda 553 küçə dezinfeksiya edildi - Foto

Son günlərdə koronavirusa (COVID-19) yoluxanlarının sayında artımın olması nəzərə alınaraq oktyabrın 10-u və 11-də Bakı Şəhər İcra Hakimiyyətinin strukturlarının tərəfindən paytaxt ərazisi üzrə lokal ərazilərdəki əsas küçə, prospekt və yollarda, həmçinin qəsəbələrdə kommunal təsərrüfat xidmətlərinin 40 ədəd xüsusi texnikası və 2000 nəfərdən çox işçilərin köməyi ilə artıq 14-cü dəfə həyata keçirilən əlavə gücləndirilmiş dezinfeksiya işləri zamanı ümumilikdə 553 küçə dezinfeksiya olunub.

Bu barədə Teleqraf.com-a Bakı Şəhər İcra Hakimiyyəti Mətbuat Xidmətindən bildirilib.

Görülən bu işlər Bakı şəhərində sakinlərimizin həyatının təhlükəsizliyinə yönəldilən tədbirlərin bir hissəsi olaraq mütəmadi davam etdiriləcəkdir.