6 Dekabr 2021 16:47
576
12 Punto 14 Punto 16 Punto 18 Punto

Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin baş direktoru Ruslan Əliyev qurumun Tərtər Regional qaz istismarı İdarəsində böyük mühəndis vəzifəsində çalışan, Vətən müharibəsinin iştirakçısı, bu gün 50 yaşı tamam olan Əli İbrahimovun görüşüb.

Bu barədə Teleqraf.com-a “Azəriqaz”dan məlumat verilib.

Xatırladaq ki, Əli İbrahimov uzun illərdir ki, “Azəriqaz”da çalışır, Vətən müharibəsi başlayan gündən könüllü olaraq döyüşlərə qatılıb, Füzuli, Xocavənd, Hadrut, Şuşa istiqamətlərində gedən döyüşlərdə iştirak edib.

Görüş zamanı baş direktor Vətən müharibəsi iştirakçısının iş şəraiti ilə yaxından maraqlanaraq, bütün lazımi tədbirlərin görüləcəyini vurğulayıb. Ruslan Əliyev "qazilərin qayğıları ilə maraqlanmaq bizim borcumuzdur,- deyə qeyd edib.

Əli İbrahimov “Azəriqaz”da faydalı işinə görə, Həmkarlar İttifaqı hərəkatında fəal iştirakına və 50 illik yubileyi münasibəti ilə Fəxri Fərman və qiymətli hədiyyə ilə mükafatlandırılıb.


Müəllif: Teleqraf.com