Ən çox qoyulan adlar açıqlandı

Bu ilin 6 ayı ərzində doğulan uşaqlara ən çox verilən adların siyahısı açıqlanıb.

Ədliyyə Nazirliyindən Teleqraf.com-a verilən məlumata görə, doğulan oğlan uşaqlarından 1436-na Yusif, qızlardan 1 254-nə Zəhra adı qoyulub.

Bu il doğulan körpələrə qoyulan adlar arasında sonrakı yerlərdə Nuray (1007), Hüseyn (1022), Fatimə (820), Əli (974), Zeynəb (781), Aylin (735), Ayan (608), Ömər (769) və Məhəmməd (603) adları gəlir.