Qəbələdə 6 nəfər təbii fəlakətdən xilas edildi

Qəbələ rayonunda güclü leysan yağış yağması nəticəsində köməksiz vəziyyətdə qalan 6 nəfər xilas edilib.

Fövqəladə Hallar Nazirliyinin mətbuat xidmətindən Teleqraf.com-a verilən məlumata görə, nazirliyin Böhran Vəziyyətlərində İdarəetmə Mərkəzinə Qəbələ rayonu, Laza kəndində dağlara güclü leysan yağış yağması nəticəsində 6 nəfərin köməksiz vəziyyətdə qalması barədə məlumat daxil olub.

Dərhal Nazirliyin Şimal-Qərb Regional Mərkəzinin xilasediciləri vətəndaşları təxliyə edərək təhlükəsiz əraziyə çıxarılmasını təmin edilib.

İlhamə ƏBÜLFƏT