Azərbaycanda 4 uşaq anası xəstəxanada öldü - VİDEO

İsmayıllı rayonunda 4 uşaq anası dünyasını dəyişib.

Teleqraf.com arb tv-yə istinadən xəbər verir ki, rayonun Mirzə Ələkbər Sabir küçəsində yaşayan 45 yaşlı Nəzakət Dəmirova kəskin ağrılarla İsmayıllı Rayon Mərləzi Xəstəxanasında çatdırılıb.

Həkimlər ilk tibbi yardımdan sonra xəstəyə kəskin bağırsaq keçməzliyi, ürək-damar çatışmazlığı diaqnozu qoyaraq təcili cərrahiyə əməliyyatı olunmasına qərar veriblər.

Ailəsinin icazəsilə xəstə cərrahiyə şöbəsinə qaldırılarkən dünyasını dəyişib.

Nəzakət Dəmirovanın ölməsinə səbəb isə xəstəxanaya gec çatdırılması olub. Mərhumun həyat yoldaşının sözlərinə görə, o, son 10 ilə yaxındır ki, bu xəstəliyi tez-tez yüngül formada keçirib. Bu dəfə də xəstənin eyni duruma düşməsinin keçici olacağını zənn edən yaxınları onu ağırlaşdıqdan sonra xəstəxanaya çatdırıblar və həyatını xilas etmək mümkün olmayıb.

Həyat yoldaşı: "Yoldaşım Dəmirova Nəzakət Mahir qızı bu günə qədər bu evdə yaşayıb. Daha əvvəl də revmatizma xəstəsi olub. Evdə tez-tez yüngül xəstəliklər keçirirdi. Sadəcə bizim başımız çıxmayıb ki, bu xəstəlik içəridən ağır ola bilər. Müalicəsini də edirdi. Narkoz da vurulmuşdu, o da yarımçıq qaldı".