Yağış, leysan, qar, dağlarda şaxta - HAVA PROQNOZU

Ekologiya və Təbii Sərvətlər Nazirliyinin Milli Hidrometeorologiya Departamenti bu günə olan hava proqnozunu açıqlayıb.

Teleqraf.com-un məlumatına görə, oktyabrın 17-də Bakıda və Abşeron yarımadasında
yağış yağacağı, arabir intensivləşəcəyi, gecə və səhər bəzi yerlərdə güclü olacağı, şimşək çaxacağı gözlənilir. Güclü şimal-qərb küləyi əsəcək.

Havanın temperaturu Abşeron yarımadasında 7-10, Bakıda 8-10 dərəcə isti olacaq.

Azərbaycanın rayonlarında yağış yağacağı, arabir leysan xarakterli intensiv və güclü olacağı, dağlıq və dağətəyi rayonlarda sulu qara, qara keçəcəyi gözlənilir. Qərb küləyi əsəcək, ayrı-ayrı yerlərdə arabir güclənəcək.

Havanın temperaturu 10-14, dağlarda 3-7 dərəcə isti, yüksək dağlıq ərazilərdə 2 dərəcə şaxtadan 3 dərəcəyədək isti olacaq.

İlhamə ƏBÜLFƏT