Qəbələ və Kislovodsk qardaşlaşır

Noyabrın 1-də Bakıda keçiriləcək VII Rusiya-Azərbaycan regionlararası forumunda qubernator Vladimir Vladimirovun başçılıq etdiyi Stavropol nümayəndə heyəti də iştirak edəcək.

"Report" xəbər verir ki, bu barədə Rusiya mətbuatı məlumat yayıb.

İşgüzar proqram çərçivəsində Stavropol regionu diyarın bələdiyyə qurumunun təqdimatını keçirəcək.

Həmçinin Qəbələ və Kislovodsk şəhərlərinin qardaşlaşması barədə saziş imzalanması planlaşdırılır.
Diyarın İqtisadi İnkişaf Nazirliyinin regionlararası və beynəlxalq əməkdaşlıq şöbəsinin rəisi Suzannz Damirin sözlərinə görə, Azərbaycan Stavropolun əsas xarici iqtisadi tərəfdaşlarından biridir.

Məlumata görə, ötən ilin yekunlarına görə, Azərbaycan və Stavropol vilayəti arasında ticarət dövriyyəsi təxminən 200 milyon ABŞ dolları təşkil edib.