29 Oktyabr 2016 16:21
655

Oktyabrın 28-də Nərimanov rayonu ərazisində kirayə qaldıqları mənzilin hamamında dəm qazından zəhərlənərək həyatını itirən Salyan rayon sakinləri – 1999-cu ildə anadan olmuş Zeynalova Xanım Kamal qızı və 2003-cü ildə anadan olmuş Allahverdiyeva Aytən Elman qızı Müsavat Partiyasının Məclis üzvü, partiyanın sonuncu parlament seçkilərində 59 saylı Salyan seçki dairəsi üzrə namizədi Valeh Əliyevin (Valeh Hümmətoğlu) əmisinin nəvələridir.

Teleqraf.com-un məlumatına görə, bu barədə sosial şəbəkələrdə məlumat paylaşılıb.

Paylaşımlarda Müsavatın Məclis üzvünə doğmalarının vaxtsız və faciəvi vəfatı ilə bağlı başsağlığı verilib.

Qeyd edək ki, Valeh Hümmətoğlu 2 il öncə 2 yaşlı nəvəsi Valehi itirmişdi. Qrip əlamətləri olan uşaq ona vurulan iynədən şok keçirib dünyasını dəyişmişdi.

Həmin günlərdə Valeh Hümmətoğlu sosial şəbəkədə nəvə itkisinin onda yaratdığı ağrı-acılarla bağlı çoxsaylı paylaşımlar edirdi.

Allah rəhmət eləsin!

Səxavət


Müəllif: