Bakıda qadın sürücü qəza törətdi və öldü

Şəmkir rayonunun Kür qəsəbəsində yol-nəqliyyat hadisəsi baş verib.

Teleqraf.com xəbər verir ki, rayon sakini Nadir Əhmədovun idarə etdiyi “KİA” və Mingəçevir şəhər sakini Əbülfət Məmmədovun idarə etdiyi “Grand-River” markalı avtomobillərin toqquşması nəticəsində hər iki sürücü hadisə yerində ölüb.

Daha bir yol qəzası Yevlaxda baş verib. Rayon sakini Qərib Mustafayev idarə etdiyi “Mercedes” markalı avtomobili aşırıb. Sürücü hadisə yerində ölüb, 1 sərnişini xəstəxanaya yerləşdirilib.

Paytaxtın Binəqədi rayonunun C.Xəndan küçəsində Bakı şəhər sakinləri Sevda İsmayılovanın idarə etdiyi “Nissan” markalı minik maşını və Malik Məmmədovun idarə etdiyi “İveco” markalı 6 saylı xətt avtobusu ilə toqquşub. Nəticədə xəstəxanaya yerləşdirilmiş Sevda İsmayılova orada ölüb.

Hacı Zeynalov