Göygölə gəl, Göygölə... - Turist sayı açıqlandı

Ötən il Göygöl Milli Parkına səfər edən turistlərin sayı açıqlanıb.

Teleqraf.com-un xəbərinə görə, bu barədə Ekologiya və Təbii Sərvətlər Nazirliyinin mətbuat xidməti məlumat yayıb.

2016-cı il ərzində Göygöl Milli Parkına 195316 turist səyahət edib. Onlardan 2003 nəfəri xarici, 193313 nəfəri isə Azərbaycan vətəndaşları olub.

Göygöl Milli Parkı turistlərin üzünə açılandan, yəni 2015-ci il avqustun 10-dan ilin sonunadək isə Milli Parkın 70 mindən artıq ziyarətçisi olub.

Ümumilikdə 2016-cı ildə Azərbaycan ərazisində yerləşən milli parkları ziyarət edən turistlərin sayı 199 530 nəfər olub. Onların 3 081 nəfəri xarici, 196 449 nəfəri isə Azərbaycan vətəndaşları olub.