8 Aprel 2014 11:55
2 517
12 Punto 14 Punto 16 Punto 18 Punto

Dərnəgül ərazisində Poladəritmə Zavodunun arxasındakı taxta bazarında yanğın hadisəsi baş verib. Hadisə yerinə Fövqəladə Hallar Nazirliyinin (FHN) qüvvə və vasitələri cəlb olunduqdan sonra güclü yanğın söndürülüb.

FHN-in yaydığı məlumata görə, baş verən yanğında 8 nəfər zərər çəkib. Bakı şəhər Təcili və
Təxirəsalınmaz Tibbi Yardım Stansiyasından bildiriblər ki, hadisə ilə bağlı aprelin 6-sı səhər sat 08:30 radələrində müraciət daxil olub və əraziyə 2 təcili yardım briqadası göndərilib. Hadisə nəticəsində 8 nəfərə tibbi yardım göstərilib. Zərərçəkənlərdən 4-ü Kliniki Tibbi Mərkəzin Toksikologiya şöbəsinə yerləşdirilib. Onlar natamam yanma məhsullarından və tüstüdən zəhərləniblər.

Toksikologiya şöbəsinə yanğın baş verən bazarda işləyən 1984-cü il təvəllüdlü Şamo Dacıyev və 1991-ci il təvəllüdlü Elçin Heydərov, FHN-nin xilasedicləri - 1991-ci il təvəllüdlü Xaliq Həsənov, 1973-cü il təvəllüdlü Rəşad Heydərov və 1990-cı il təvəllüdlü Kamran Əliyev yerləşdiriliblər.

Xəstəxanaya yerləşdirilən FHN-nin xilasedicilərinə ilkin tibbi yardım göstərildikdən sonra evə buraxılıblar. Digər iki şəxsin isə müalicəsi xəstəxana şəraitində davam etdirilib, ilkin tibbi-yardım göstərilib və müvafiq məsləhətlər verildikdən sonra evə buraxılıblar.

Hadisə ilə bağlı FHN-nin yaydığı məlumatda daha sonra bildirilir ki, xilasedicilər yanğınsöndürənlərin xidməti işinə köməklik məqsəd ilə geniş təxliyə əməliyyatı həyata keçiriblər. Ərazidən 35 nəfəri təxliyə edilib. Bazarın ərazisində 1050 kvadrat m sahədə ştabellərə yığılmış, vətəndaşlara məxsus 450 kub metr taxta materialları yanıb. Taxta materiallarının qalan hissəsi və yaxınlıqdakı obyektlər yanğından mühafizə olunub.

Hadisə ilə əlaqədar müvafiq qurumlar tərəfindən təhqiqat aparılır


Müəllif: Teleqraf.com