Binəqədidə mənzildə baş verən yanğında körpə öldü

Bakıda mənzildə baş verən yanğında körpə ölüb.

Teleqraf.com Fövqəladə Hallar Nazirliyinin saytına istinadən xəbər verir ki, Bakının Binəqədi rayonunda vətəndaşa məxsus ümumi sahəsi 35 kvadrat metr olan birmərtəbəli 2 otaqlı evin 1 otağında 1 ədəd divan və 4 kvadrat metr sahədə lambirdən ibarət tavan yanıb.

Yanğının kəşfiyyatı zamanı 2016-cı il təvəllüdlü Cəfərov Cabbar Siyavuş oğlunun meyiti aşkar olunub. Bitişik mənzillər yanğından mühafizə olunub. Yanğın yanğınsöndürənlər tərəfindən söndürülüb.

İlhamə ƏBÜLFƏT