İtalyan modeldən Xocalıya dəstək – FOTO

İtaliyanın paytaxtı Romada yaşayan gənc model Asia Maione Cozzolino ermənilərin 25 il öncə Xocalıda törətdiyi qətliama səssiz qalmayıb və Azərbaycana dəstək olub.

Bu barədə Teleqraf.com-a “TRT Spor”un İtaliya təmsilçisi, İtaliya-Azərbaycan Əməkdaşlıq və Dostluq Cəmiyyətinin rəhbəri Dündar Kesaplı məlumat verib. Özünün şəxsi “İnstaqram” hesabında paylaşdığı mesajda bu qətliamı qınayan maniken “üzücü və dramatik bir olay yaşanıb”, – deyə bildirib.

Azərbaycandan gələn bu yöndəki mesaja müsbət reaksiya verərək paylaşım edən məşhur maniken Romada yaşayan türk tələbə dostları sayəsində Türkiyənin “Fənərbaxça” futbol klubunun azarkeşi olması ilə tanınır: “Az müddətdə türk futbolsevərlərinin rəğbətini qazanan və Türkiyədə də böyük maraqla qarşılanan, “Tvitter” və “İnstaqram”dan “Fənərbaxça” formasıyla fotolarını paylaşan Asia Cozzolino azarkeşlərin könlündə taxt qurmağı bacarıb. Asiamaico istifadəçi adı ilə istifadə etdiyi “İnstaqram” hesabında çoxsaylı izləyicisi var. Neapollu olan 18 yaşlı model az müddətdə türk idmansevərlər arasında fenomen olub”.

D.Kesaplı bildirib ki, italyan gözəl öz ölkəsində “Napoli” futbol klubunun tərəfdarıdır: “Ancaq sakini olduğu Romada yaşayan və tanış olduğu türk tələbələr sayəsində “Fənərbaxça”ya simpatiya duymağa başlayıb. “Napoli” və “Fənərbaxça” azarkeşlərinin bir-birinə çox bənzədiyini, istiqanlı tərəfdar olduğunu söyləyən Asia Maione qisa müddətdə “İnstaqram” və “Tvitter” hesablarından paylaşımları ilə Türkiyədə “Fənərbaxça” azarkeşlərinin də sevgisini qazanmağa başlayıb. Ona hər gün Türkiyədən minlərlə mesaj gəlir və o bu yaxınlarda Türkiyəyə dəvət alıb. İtaliya gözəli ilk fürsətdə Türkiyəyə getməyi çox arzuladığını ifadə edib. Gələn yay tətilini Türkiyədə keçirməyi planlaşdıran və İstanbulda bir “Fənərbaxça” oyununu izləmək istədiyini bildirən italyan gözəl uşaqlıqdan bəri futbola heyran olduğunu deyib. Xüsusilə də heyranı olduğu Totti, Messi kimi oyunçularla yanaşı, Türkiyədə də “Fənərbaxça”da forma geyinən Robbin Van Persini yaxından izlədiyini söyləyib”.

Səxavət