Lerikdə göydən soxulcan yağdı - FOTO/VİDEO

Lerikdə qəribə təbiət hadisəsi barədə xəbər verilir.

Teleqraf.com Xezerxeber-ə istinadla bildirir ki, Lerikdə göydən qarla bərabər soxulcanlar yağdığı məlumatı yayılıb.

Aprelin 2-dən Lerikə qar yağmağa başlayıb və bir neçə şəxs qarın üzərində soxulcanların videosunu çəkərək sosial şəbəkələrdə paylaşıb ki, guya həmin soxulcanlar göydən tökülüb. Bir sözlə, rayon sakinləri göydən qarla bərabər soxulcan yağdığını iddia ediblər. Göydan soxulcanın yağması mümkündürmü?

Sosial şəbəkələrdə yayılan videolarda qarın üzərində soxulcanların olduğu görünür. Videonu çəkən şəxs soxulcanların qarla bərabər yağdığını deyərək bunu möcüzə adlandırır.

Bəs əslində soxulcanların qarla birgə yağması mümkündürmü?

Ekoloq Telman Zeynalov bunun adi torpaq qurdları olduğunu bildirir. Ekoloq yağış və ya qarla bərabər hansısa canlıların yağmasının mümkün olmadığını bildirir.

Qeyd edək ki, Lerikə qarın hündürlüyü 20 santimetrə qədər olub.lənkəran regional hidrometeorologiya müəssisəsindən verilən məlumata görə, bölgədə hökm sürən qeyri-sabit hava şəraiti hələ bir neçə gün davam edəcək.