Naxçıvana 100 minə yaxın turist gəlib

Bu ilin ilk rübü ərzində muxtar respublikaya gələn turistlərin sayı bir il əvvəlkinə nisbətdə 5,1 faiz artaraq 98,8 min nəfər təşkil edib.

Naxçıvan Muxtar Respublikası Dövlət Statistika Komitəsinin mətbuat xidmətindən Teleqraf.com-a verilən məlumata görə, 1995-ci ildə muxtar respublikaya 38,6 min nəfər turist gəlmişdisə, bu göstərici 2006-cı ildə 93,9 min nəfər, 2010-cu ildə 287,6 min nəfər, 2016-cı ildə 403,3 min nəfər olub.

2016-cı ildə muxtar respublikaya gələn turistlərin sayı 1995-ci illə müqayisədə 10,4 dəfə artıb.