DİM: “Onlar imtahana buraxılmadılar”

Aprelin 30-da II və III ixtisas qrupları üzrə ali məktəblərə keçirilən qəbul imtahanında üç abituriyent imtahana buraxılmayıb.

Bunu Teleqraf.com-a açıqlamasında Dövlət İmtahan Mərkəzi (DİM) mətbuat xidmətinin rəhbəri Xanlar Xanlarzadə deyib.

O bildirib ki, imtahana gələn hər bir abituriyent ciddi yoxlanıb:

“Üç abituriyentdə yoxlama zamanı mobil telefon aşkar edilib, onlar haqda protokol tərtib olunub və imtahan binasına girişləri qadağan edilib.

DİM rəsmisi qeyd edib ki, hazırda imtahan protokollarının email həyata keçrilir:

“Səhər saatlarında imtahan protokollarının oxunmasına başlanıb. Bu emal prosesi başa çatandan sonra nə qədər abituriyentin imtahanda iştirak etdiyini, hansı səbəbdən kənarlaşdırıldıqları barədə 3 gündən sona məlumat verəcəyik”.

Qeyd edək ki, ötən gün DİM 2017-2018-ci tədris ili üçün II və III ixtisas qrupları üzrə Azərbaycan ali təhsil müəssisələrinə qəbul imtahanı keçirib.

İlhamə ƏBÜLFƏT