Votsapdakı nasazlıq aradan qaldırıldı

Populyar Votsap messencerinin fəaliyyəti baş verən fasilədən sonra bərpa olunub.

Bu barədə ixtisaslaşmış internet servisləri məlumat verib.

Teleqraf.com "ICTnews"a istinadən xəbər verir ki, proqramın işində nasazlıq təxminən iki saat davam edib. Populyar internet resurslarını izləyən "Dovndetektor" xidmətinin məlumatına görə, nasazlığın qarşısı alınıb.

Bundan başqa, "Röyter" agentliyi şirkətin mətbuat xidmətinə istinadən proqramın işində problemin aradan qaldırılmasını bildirib.

"Biz problemi aradan qaldırdıq və narahatlığa görə üzr istəyirik", - agentlik Votsap mətbuat xidmətinə istinadən məlumat verib.

Servisin işində nasazlıqlar Azərbaycan, Rusiya, ABŞ, Avropa və Braziliyada qeydə alınıb.