BMT-də iş prinsipi dəyişib... - Mahir Nasir

Bu gün Bakıda IV Ümumdünya Mədəniyyətlərarası Dialoq Forumu çərçivəsində “Qütbləşmə dövründə inklüziv dialoq” mövzusunda panel-sessiya keçirilib.

Teleqraf.com xəbər verir ki, tədbirdə çıxış edən BMT baş katibi müavininin vəzifəsini icra edən, İctimai İnformasiya Departamentinin rəhbəri Mahir Nasir vildirib ki, statistikaya görə, dünyada 240 milyon miqrant var: “Bəzi partiyalar miqrantları təhlükə kimi təqdim edirlər. Amma həmun insanlar məcburən ölkələrindən didərgin düşüb, münaqişələrdən qaçıblar. Miqrantlara təhlükə kimi baxılmamalıdır. BMT-də hər bir dövlətin səsi var. "Soyuq müharibə" bitəndən sonra BMT-də iş prinsipi dəyişib, qətnamələrin əksəriyyəti qarşılıqlı razılaşma ilə qəbul olunur"

Mahir Nasir qeyd edib ki, qətnamələr 50%+1 səs prinsipi ilə əldə edilir: "Davamlı İnkişaf Məqsədlərinə baxsaq, bura yoxsulluğun, işsizliyin aradan qaldırılması, gender bərabərliyi və digərləri əksini tapıb. Gənclər qərar qəbuletmə prosesinə cəlb olunmalıdır".

İlhamə ƏBÜLFƏT