Çingiz Hüseynzadə: 162 deyil, 250-dən çox medal qazandıq

Milli Olimpiya Komitəsinin vitse-prezidenti Çingiz Hüseynzadə bildirib ki, idmançılarımızın 70 faizindən çoxu Bakı 2017-nin mükafatçılarıdır: “Deyirik ki, 162 medal qazandıq, amma medalçılarımızın sayı 250 nəfərdən çoxdur".

Teleqraf.com xəbər verir ki, bunu İslamiadanın yekunlarına həsr olunan mətbuat konfransında Milli Olimpiya Komitəsinin vitse-prezidenti Çingiz Hüseynzadə bildirib.

Onun sözlərinə görə, xüsusilə futbol, basketbol, voleybol, həndbol komandalarımız qələbə qazanıb: "Rio-da 56 idmançının 28-i medal qazanmışdıqsa, bu dəfə idmançılarımız İslam Oyunlarında daha yüksək nəticə əldə edib".