Xalq artisti son mənzilə belə yola salındı – Foto

Azərbaycanın Xalq artisti Xumar Zülfüqarova bu gün dəfn olunub.

Teleqraf.com xəbər verir ki, X.Zülfüqarova “Qurd qapısı” qəbiristanlığında dəfn olunub. Mərasimdə mərhumun ailə üzvləri, dost-tanışları, tələbələri və incəsənət aləminin bir çox tanınmış simaları iştirak ediblər.

Qeyd edək ki, Xumar Zülfüqarova dünən günorta saatlarında dünyasını dəyişib.

Dəfn mərasimindən olan fotoları təqdim edirik.

Qeyd edək ki, Xumar Zülfüqarova 1927-ci il noyabr ayının 15-də Bakı şəhərində görkəmli teatr və kino aktyoru Rza Əfqanlının ailəsində anadan olub. O, 1945-cı ildə Bakı Xoreoqrafiya məktəbini bitirib. 1945-1966-cı illərdə Azərbaycan Dövlət Akademik Opera və Balet Teatrının solisti, 1966-1978-ci illərdə Azərbaycan Dövlət Filarmoniyasının Mahnı və Rəqs ansamblının solisti və bədii rəhbəri, Dövlət Rəqs Ansamblının yaradıcılarından biri, 1978-1988-ci illərdə Azərbaycan Dövlət Qastrol və konsert üzrə birliyinin ilk baş baletmeysteri olub. 1950-ci ildə Bakı Xoreoqrafiya Məktəbində pedaqoji fəaliyyətə başlayan Xumar Zülfüqarova 60 il ərzində bir neçə nəsil rəqqas və xoreoqraf yetişdirib.