“Kərtəlkələni arxası üstə çevirib deyirlər ki…”

Kürdəmirdə aşkar edilən canlı təhlükəsiz heyvandır.

Bunu Teleqraf.com-a açıqlamasında AMEA-nın Zoologiya İnstitutunun direktoru Elman Yusivov deyib.

Onun sözlərinə görə, həmin heyvan nadir deyil: “Adı şneyder kərtənkələsidir, tam təhlükəsiz heyvandır. Bu kərtənkələ Azərbaycanın yarımsəhra ərazilərində yayılıb. Zərərli və ziyanverici həşəratlarla qidalanır. Zəhəri isə yoxdur”.

Elman Yusivov qeyd edib ki, televiziyada həmin heyvanı yalnış təqdim ediblər: “Televiziyada kadrlarda heyvanı kürəyi üstə çeviriblər. Deyirlər ki, zəhərlidir. Düzgün deyil”.

Qeyd edək ki, KİV Kürdəmirdə “nadir canlı”nın aşkar edilməsi barədə məlumat yayıb.