21 İyul 2017 08:18
395

"Microsoft" korporasiyası "Johnson Controls" şirkəti ilə birlikdə "ağıllı" "GLAS" termostatını yaradıb.

Teleqraf.com "ICTnews"a istinadən xəbər verir ki, şəffaf sensor ekrana malik termostat istifadəçilərə otaqda temperaturu ölçməyə, enerjidən istifadəni və havanın keyfiyyətini yoxlamağa, eləcə də təqvim günlərini qeyd etməyə imkan verəcək. "Microsoft Windows 10 IoT Core" əməliyyat sisteminin idarəetməsi ilə işləyən qurğu "Cortana" səsli köməkçi funksiyasını da dəstəkləyəcək.

"Microsoft" nümayəndələrinin sözlərinə görə, "GLAS" mənzildə insanların mövcudluğunu müəyyənləşdirən ötürücülərlə təchiz olunacaq və havanın keyfiyyətinə həm otağın daxilində, həm də eşikdən nəzarət edəcək.

Videoda istehsalçı qurğunu böyük və kiçik biznes ofis binaları üçün termostat kimi təqdim edir. Qurğudan adi istehlakçıların yararlana biləcəyi barədə məlumat verilmir.


Müəllif: Teleqraf.com