Müdafiə Nazirliyi 59 kinosənədi təhvil verdi

Müdafiə Nazirliyi tərəfindən daimi saxlanılmaq məqsədilə 59 kinosənəd (video) Dövlət Kino-Foto Sənədləri Arxivinə təhvil verilib.

Teleqraf.com xəbər verir ki, kinosənədlər əsasən Azərbaycan Silahlı Qüvvələrinin hərbi təhsil sistemində kadr hazırlığını, təlim-tərbiyə prosesini, dövlətimizin başçısının hərbi məktəblərdə müdavimlərlə görüşlərini, hərbi rütbə alma mərasimlərini, məzunlara diplomların təqdim olunmasını, habelə müdafiə nazirinin məzunlarla görüşlərini əks etdirir.

Qeyd edək ki, hazırda sənədlərin Milli Arxiv Fonduna qəbulunun rəsmiləşdirilməsi üçün məlumatlar hazırlanır.