Dalğıclar üç nəfəri xilas etdi – Rəsmi

Bakıda və Şirvanda batmaq təhlükəsi ilə üzləşən 3 nəfər xilas edilib.

Fövqəladə Hallar Nazirliyindən (FHN) Teleqraf.com-a verilən məlumata görə, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinə, Bakı şəhəri, Xəzər rayonunda 1 nəfərin dənizdə çimərkən batma təhlükəsi ilə üzləşməsi barədə məlumat daxil olub.

Xidmətin dalğıc-xilasediciləri dərhal hadisə yerinə cəlb olunaraq vətəndaşı sudan çıxarıblar.

Məlumatda bildirilib ki, eyni zamanda Şirvan şəhərində də 2 nəfərin çayda çimərkən batmaq təhlükəsi ilə üzləşməsi barədə FHN-ə məlumat daxil olub.

Xidmətin dalğıc-xilasediciləri dərhal hadisə yerinə cəlb olunaraq vətəndaşları sudan çıxarıblar.