60-dan artıq adamı gün vurdu – Təcili Yardım

İyunun 1-dən bu günə kimi Bakı Şəhər Təcili və Təxirəsalınmaz Tibbi Yardım Stansiyasına günvurma diaqnozu ilə bağlı müraciət edənlərin sayı 63 nəfər olub.

Bunu Teleqraf.com-a açıqlamasında Bakı şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev deyib.

Onun sözlərinə görə, həmin şəxslərə tibbi yardım göstərib: “Onlardan 25 nəfəri xəstəxanaya yerləşdirilib və nəzarətdə saxlanılıb”.

Baş həkim qeyd edib ki, insanlar günvurmadan qorunmaq üçün günorta vaxtlarında açıq havada gəzməməlidirlər.