Bakıda “Gelandewagen”lərin toy karvanı hərəkəti iflic etdi - Video

Bakıda toy karvanında olan avtomobillər qaydaları pozaraq yolda tıxaca səbəb olublar. Nəticədə digər sürücülər üçün problem yaranıb.

Teleqraf.com Xezerxeber.az-a istinadən xəbər verir ki, “Gelandewagen”lərdən ibarət toy karvanı yolun bütün hərəkət zolaqlarını zəbt edərək sürət həddi 90 kilometrsaat olan Ziya Bünyadov prospektində 20-30 kilometrsaat sürətlə hərəkət ediblər.

Bütün olanları isə arxadan hərəkətdə olan avtomobilin sürücüsü lentə alıb. Sürücünün etirazına baxmayaraq toy karvanında olan avtomobillərin sürücüləri qayda pozmaqda davam ediblər.

Məsələ ilə bağlı Bakı şəhər dövlət yol polisi idarəsinin bölmə rəisi Vaqif Əsədov həmin görüntülərlə tanış olduğunu və araşdırma aparıldığını bildirib.

Onun sözlərinə görə, sürücülər yolun hərəkət hissəsində yerləşmə qaydalarını pozduqları üçün 40 manat miqdarında cərimə olunacaqlar.