Bakıda klassik avtomobillərin yürüşü - Foto

Azərbaycan Avtomobil Federasiyası avqustun 26-da Bakıda klassik avtomobillərin yürüş və sərgisini təşkil edəcək.

Teleqraf.com xəbər verir ki, 1980-ci ilə qədər istehsal olunan klassik avtomobillərin sahiblərinin Avtomobil Federasiyasında qeydiyyatı artıq başa çatıb.

Qeydiyyatdan keçən avtomobil və sahibləri şənbə günü - 26 avqust saat 15:30-da Heydər Əliyev Mərkəzinin qarşısında toplaşacaq.

Mərkəzin qarşısından start götürəcək avtomobillər Bakı şəhərinin küçələri ilə yürüş edəcəklər.

Yürüşdən sonra Mərkəzin parkında konsert və əyləncə proqramı təşkil olunacaq.

Qeyd edək ki, ötən il də avqust ayında Bakıda belə bir sərgi təşkil olunmuşdu.