Məşhur müğənni nazirliyə işə düzəldi

Əsl peşəsi həkimlik olan türkiyəli müğənni Fərhad Köçər Səhiyyə Nazirliyinin mətbuat katibi vəzifəsinə təyin olunub.

Teleqraf.com xəbər verir ki, müğənni bundan sonra nazirliyin mətbuat xidmətində çalışacaq. Fərhadın bu işdən ayda 5 min lirə (təxminən 2500 manat) maaş alacağı deyilir.

O, vəzifəsi çərçivəsində müxtəlif toplantılara qatılaraq seminarlar təşkil edəcək, tanıtım çarxları hazırlayacaq, şəkərli diabetdən xərçəngə qədər bütün xəstəliklərlə bağlı maarifləndirmə işi aparacaq.